Kurs.Ge

წალენჯიხაში უფასო IT სკოლა კერძო სექტორის მიერ დაფუძნდა

24.05.2022

წალენჯიხაში ნიკა კვარაცხელიას სახელობის IT სკოლა გაიხსნა. სკოლა მამუკა ხაზარაძემ დააფუძნა. სასწავლო მოდული რამდენიმე ასაკობრივ კატეგორიას მოიცავს და ყველა კურსი უფასო იქნება.

„ეს იქნება ჩემ მიერ დაფინანსებული უფასო IT სკოლა, სადაც რამდენიმე თვეში ამ ახალგაზრდებისგან შევქმნით სერტიფიცირებულ დეველოპერებს, რომელთა დიდი დეფიციტია არა მხოლოდ საქართველოში, არამედ – მსოფლიოში. იდეაც ეს არის. პანდემიამ მთლიანად შეცვალა ყველაფერი – არაა საჭირო ოფისში სიარული. მით უმეტეს, IT ინდუსტრია ონლაინ მუშაობს. ამდენად, რამდენიმე თვეში ჩვენ გვეყოლება ახალგაზრდების გარკვეული ჯგუფი, რომელთაც ექნებათ შანსი, მოიძიონ მაღალანაზღაურებადი სამსახური. დარწმუნებული ვარ, მარგალიტებს აღმოვაჩენთ. წალენჯიხელ ახალგაზრდებს აიტი აკადემია მისცემს შესაძლებლობას, რომ ქვეყნის დატოვების გარეშე, აქ შექმნან თავიანთი მომავალი “, – განაცხადა მამუკა ხაზარაძემ

სკოლაში სასწავლო კურსზე ჯამში 300 ადამიანი დარეგისტრირდა, მათგან კი 90 შეირჩა, რომლებიც 2.5 თვიან სასწავლო კურსს უფასოდ გაივლიან. პროექტს თიბისი IT აკადემია ახორციელებს.

უკან დაბრუნება