Kurs.Ge

წაღვერი-ტიმოთესუბნის საავტომობილო გზის რეაბილიტაცია მიმდინარეობს

19.07.2022

ბორჯომის მუნიციპალიტეტის ინფორმაციით, მიმდინარეობს წაღვერი-ტიმოთესუბანი-ტაძარის საავტომობილო გზის 2 კმ-იანი მონაკვეთის რეაბილიტაცია.

პროექტის შესაბამისად განხორციელდება, საგზაო სამოსის რეაბილიტაცია, კიუვეტებისა და არსებული ხელოვნური ნაგებობების შეკეთება და ახლების მოწყობა. მოხდება გზის სავალი ნაწილის გაგანიერება, ადგილობრივ გზებთან მიერთებებისა და მოსახლეობის ეზოში შესასვლელების მოწყობა. ასევე, განხორციელდება გზის სავალი ნაწილის მონიშვნა, საგზაო ნიშნების მოწყობა და შემოფარგვლა.

განახლებული გზა უზრუნველყოფს კურორტ წაღვერიდან სოფელ ტიმოთესუბნამდე განახლებული და კომფორტული გზით მგზავრობას. გაუმჯობესდება ადგილობრივი მოსახლეობის საყოფცხოვრებო პირობები. ამ გზის კეთილმოწობა განსაკუთრებით მნიშვნელოვანია დამსვენებლებისთვის და ტურისტული პოტენციალის გაზრდის თვალსაზრისით.

პროექტი სახელმწიფო ბიუჯეტიდან 1.8 მლნ, ლარით ფინასდება და მისი დასრულება მიმდინარე წლის სექტემბერში იგეგმება.

უკან დაბრუნება