Kurs.Ge

ინტერნეტი ყველასათვის- ამერიკის მთავრობა ახალ პროგრამას აცხადებს

13.05.2022

ამერიკის მთავრობას სურს დეკადის ბოლომდე ყველა ამერიკელი სარგებლობდეს ინტერნეტით. ბაიდენის ადმინისტრაციამ დაბალშემოსავლიანი ამერიკელებისთვის ფართოზოლოვანი/ სწრაფი ინტერნეტის შეღავათიანად მიწოდების პროგრამა-

"ინტერნეტი ყველასათვის"-გამოაცხადა.

20 კომპანია, რომელთა სიაში შედის AT&T, Comcast და Verizon Communications, ამერიკულ ოჯახებს ინტერნეტის სიჩქარის წამში მინიმუმ 100 მეგაბიტამდე გაზრდას სთავაზობს. ოფიციალური პირების განმარტებით, პროგრამის ფარგლებში, კომპანიების ნაწილი მოსახლეობას ინტერნეტზე ფასდაკლებას სთავაზობს, ნაწილი კი - ინტერნეტის ხარისხს აუმჯობესებს.

"ხელმისაწვდომი დაკავშირების პროგრამა" 1300-მდე პროვაიდერს მოიცავს და ბენეფიციარებს $30-მდე ფასდაკლებას სთავაზობს. მასში უკვე ჩართულია დაახლოებით 11,5 მილიონი ოჯახი. პროგრამით სარგებლობა სულ 48 მილიონ ოჯახს შეუძლია.

აღნიშნული პროგრამით სარგებლობისთვის ოჯახის შემოსავალი უნდა იყოს გარკვეულ ზღვარს ქვემოთ ან უნდა სარგებლობდეს აშშ-ის დახმარების რომელიმე პროგრამით, მათ შორის დამატებითი კვების დახმარების პროგრამით, სამედიცინო ან სკოლის უფასო ლანჩის პროგრამით.

უკან დაბრუნება