Kurs.Ge

სავალუტო შემოდინებებში ფეხბურთიდან შემოსავლების წილი მატულობს

26.05.2022

საქართველოს სავალუტო შემოდინებებში ფეხბურთიდან შემოსავლების წილი მატულობს.

ამ ზაფხულს შემოსავალს მიიღებს ბათუმის "დინამო" ხვიჩა კვარაცხელიას ტრანსფერით იტალიის "ნაპოლიში". ტრანსფერის სავარაუდო ღირებულება 10 მლნ ევროა. კვარაცხელია რუსული "რუბინიდან" ბათუმის "დინამოში" მარტში გადავიდა, "ნაპოლისთან" ტრანსფერი კი აპრილის ბოლოს გადაწყდა. კვარაცხელია ნაპოლის სავარაუდოდ ივლისში შეუერთდება.

საინტერესოა ასევე, გაყიდის თუ არა ვალენსია 21 წლის ქართველ მეკარეს- გიორგი მამარდაშვილს. მისი გამოსასყიდი თანხა - 20 მილიონი ევროა. მისი შემდგომი გაყიდვიდან თბილისის "დინამოს" 10 პროცენტი ერგება.

გიორგი მამარდაშვილით ინგლისური კლუბები დაინტერესდნენ. ესპანური საფეხბურთო კლუბი მზად არის, გიორგი მამარდაშვილს 2027 წლამდე გაუხანგრძლივოს კონტრაქტი და ახალი გამოსასყიდი თანხა ჩაუწეროს ხელშეკრულებაში - 100 მილიონი ევრო. ამჟამად მას კონტრაქტი 2024-წლამდე აქვს, რომლის გახანგრძლივება კიდევ ერთი წლით შეიძლება.

თბილისის "დინამომ" მამარდაშვილში ჯერ 200 000 ევრო მიიღო "ვალენსიასგან" მისი იჯარისთვის 2021-ში, 2022 წლის იანვარში კი - 850 000 ევრო ტრანსფერისთვის.

ტაგები: გიორგი მამარდაშვილი, ხვიჩა კვარაცხელია, ვალენსია, ნაპოლი, ბათუმის დინამო.

უკან დაბრუნება