რაჭაში, სოფელ მრავალძალში, ზღვის დონიდან 1840 მეტრზე, ღია სივრცეში სამოქალაქო ცერემონიების მოსაწყობად საჭირო ინფრასტრუქტურის მოწყობის პროექტი განხორციელდა. პროექტის მიზანია მიმზიდველი გარემოს შექმნა, როგორც ადგილობრივი მოსახლეობისთვის, ისე ტურისტებისთვის. 

პროექტი ონის მუნიციპალიტეტსა და გაეროს განვითარების პროგრამას (UNDP) შორის გაფორმებული საგრანტო ხელშეკრულების ფარგლებში გაკეთდა. მოეწყო ბუნებრივი ქვის ბილიკი და ბაქანი, ლითონის მაგიდები და სკამები, ასევე ლითონის დეკორატიული ეტლი და თაღები, დამონტაჟდა განათების სისტემა. აღნიშნულ ღია სივრცეში შესაძლებელია ნიშნობის ცერემონიის, გამოფენების, საჯარო შეხვედრების და სხვადასხვა სადღესასწაულო ღონისძიებების ჩატარება. 

მრავალძალი მდებარეობს რაჭაში, ქალაქ ონიდან 33.9 კილომეტრში, ხოლო ამბროლაურიდან 24,5 კილომეტრში. სოფელში ცხოვრობს 33 ადამიანი. მრავალძალში მდებარეობს ასევე მრავალძალის წმინდა გიორგის ეკლესია.