რუსთავის ცენტრალურ პარკში საფესტივალო სივრცე „ოქსიგენი“ გაიხსნა, სადაც რუსთავის პირველი მუსიკალური ფესტივალი „ოქსიგენ-ფესტი“ 2022 წლის 25 და 26 ივნისს ჩატარდება.  „ოქსიგენის“ საორგანიზაციო ჯგუფის ინფორმაციით, 25 ივნისს საფესტივალო სივრცეს „არტ-გენი" დაიკავებს, მეორე დღეს კი „ოქსიგენ-ფესტი“ მთლიანად ელექტრონულ მუსიკას დაეთმობა. 

ცენტრალურ პარკში „ოქსიგენის" ორგანიზატორებს შორის ურთიერთთანამშრომლობის მემორანდუმი 31 მაისს გაფორმდა. მემორანდუმს ხელი რუსთავის მერმა ნინო ლაცაბიძემ, სს „რუსთავის აზოტისა“ და ორგანიზაცია „ოქსიგენი - რუსთავი 2022“-ის წარმომადგენლებმა მოაწერეს.

„დღეს ბედნიერი დღე გვაქვს, დაარსდა საფესტივალო სივრცე „ოქსიგენი“. საფესტივალო სივრცე თავისთავად ნიშნავს სხვადასხვა ფესტივალების მასპინძლობას, დავიწყებთ ქართულით და აუცილებლად გავხდებით საერთაშორისო დონის მიმღებები. აქ მთავარი იყო სურვილი, წამოწყება და რაც მთავარია - ჯანმრთელი იდეა. ეს ჯანმრთელი იდეა მოდის რუსთავის ყველა თაობის ადამიანისგან, ცენტრალური პარკი ყოველთვის იყო შეკრებისა და ხელოვნების გაცვლის ადგილი, დღეს უკვე ყველაფერმა ამან მიიღო თავისი ფორმა. საფესტივალო სივრცე „ოქსიგენი“ იქნება რუსთავის პარკის ტერიტორიაზე ადგილი, სადაც ყველა თაობისა და გემოვნების ადამიანი მისთვის შესაბამის სივრცეს, ჯგუფებსა თუ სხვადასხვა ხელოვნების პროდუქტს მიიღებს“, - განაცხადა „ოქსიგენის“ ორგანიზატორმა ლაშა ნოზაძემ. 

„ოქსიგენი“ ყოველწლიური იქნება და სამომავლოდ საერთაშორისო მასშტაბსაც შეიძენს. 

 ბილეთები tkt.ge-ზე იყიდება: >> https://tkt.ge/show/10516/oxygen-fest-space-rustavi

პროგრამა:

ვრცლად იხ.:>>  

ვიდეო:>>