2022 წლის მაისში, იმ ადამიანების რაოდენობა, რომლებიც ხელფასის სახით 9,600 ლარზე მეტს იღებდნენ, 2021 წელთან შედარებით წლიურად 42%-ით გაიზარდა, 2020 წლის შესაბამის პერიოდთან შედარებით კი, ზრდა 96%-ია.

PMC კვლევითი ცენტრის ინფორმაციით, მიმდინარე წლის მაისში, 9,600 ლარზე მაღალი ხელფასი მთლიანი დასაქმებულების 1.4%-ს ჰქონდა. 600 ლარამდე ხელფასი დასაქმებულთა 24.3%-ს ქონდა, 2,400 ლარზე მეტი კი - 16.7%-ს. 

2022 წლის მაისში, ადამიანების რაოდენობა, რომლებიც ხელფასს იღებდნენ, 2021 წლის შესაბამის პერიოდთან შედარებით, 5%-ით, ხოლო 2020 წლის ანალოგიურ პერიოდთან შედარებით, 14.6%-ით გაიზარდა.

2022 წლის პირველი კვარტლის შრომის ბაზრის ინდიკატორები ასე გამოიყურება:

• სამუშაო ძალა - 1 მლნ 491 ათასი ადამიანი;
• დასაქმებული - 1 მლნ 201 ათასი ადამიანი;
• დაქირავებით დასაქმებული - 818 ათასი ადამიანი;
• თვითდასაქმებული - 382 ათასი ადამიანი;
• უმუშევარი - 290 ათასი ადამიანი;
• სამუშაო ძალის მონაწილეობის დონე - 49.9%;
• დასაქმების დონე - 40.2%;
• უმუშევრობის დონე - 19.4%.

წყარო:>>