2022 წლის 2 ივლისს, შიდა ქართლის რეგიონის ოთხივე მუნიციპალიტეტში - გორში, კასპში, ქარელსა და ხაშურში მარათონული გარბენი გაიმართება, რომელშიც მონაწილეობის შესაძლებლობა ნებისმიერ მსურველს ექნება.
ღონისძიება იმართება „შიდა ქართლის ზაფხულის თამაშები 2022“ -ის ფარგლებში. აღნიშნულ თამაშებში, გარდა მართონისა, გათვალისწინებულია შეჯიბრებების ჩატარება ფეხბურთში, ქართულ ჭიდაობასა და ძიუდოში. ღონისძიების მიზანია სპორტის და ჯანსაღი ცხოვრების წესის ხელშეწყობა და პოპულარიზაცია.
მარათონის ინიციატორია შიდა ქართლის სამხარეო ადმინისტრაცია, ღონისძიების ორგანიზებას კი მუნიციპალიტეტის მერიები უზრუნველყოფენ. მარათონის გამარჯვებულებს და საპრიზო ადგილებზე გასულებს გადაეცემათ თასები და მედლები.
მარათონი გაიმართება 2 ივლისს 11 საათიდან. რეგისტრაცია დაიწყება 10:00 საათზე.
ინფორმაციას ხაშურის მუნიციპალიტეტის მერია ავრცელებს.