"კრედიტინფოს“ 2022 წლის მაისის სტატისტიკის მიხედვით საქართველოში საფინანსო სექტორის ვალი 1 866 342 ადამიანს აქვს (მთლიანი მოსახლეობის ნახევარზე მეტს), ჯამში 34 172 207 751 ლარის მოცულობის. 

მსესხებლების 84,9% საბანკო სექტორზე მოდის. კერძოდ, მაისის მდგომარეობით, ბანკებიდან 31 264 797 204 ლარის მოცულობის კრედიტი  1 585 047 მსესხებელს აქვს აღებული. ამასთან, სებ-ის მიერ სხვა რეგულირებადი საფინანსო ინსტიტუტების (მიკროსაფინანსო, სესხის გამცემი სუბიექტი) კრედიტორი 671 609 ადამიანია, გაცემული სესხების მოცულობა კი 2 483 621 507 ლარს შეადგენს. კიდევ 18 419 ადამიანს კი, ჯამში, 423 789 040 ლარის სესხი აღებული აქვს სალიზინგო, სამშენებლო და სხვა ტიპის კომპანიისგან.

მაისის მდგომარეობით, 30 დღიდან 3 წლამდე ვადის გადაცილება 217 703 მსესხებელს უფიქსირდება, კონტრაქტების რაოდენობა კი 405 742 -ს შეადგენს.

-

ცნობისათვის, 2022 წლის 1 იანვრის მდგომარეობით საქართველოს მოსახლეობის რიცხოვნობამ 3 688 600 (სამი მილიონ ექვსასოთხმოცდარვა ათას ექვსასი) კაცი შეადგინა. აქედან ასაკობრივი ჯგუფების მიხედვით პროცენტული წილები შემდეგია:

• 0-14 წლის მოსახლეობა- 20.8%
• 15-64 წლის ასაკობრივი ჯგუფი, შრომისუნარიან ასაკში მყოფი − 63.7 %
• 65 წლის და უფროსი ასაკის მოსახლეობა− 15.5 %.
  
  

შესაბამისად, გამოდის, რომ მოსახლეობის 50%-ზე მეტს ვალი აქვს. თუ გავითვალისწინებთ, რომ კრედიტს მხოლოდ შრომისუნარიან მოქალაქეებს აძლევენ, გამოდის, რომ შრომისუნარიანი მოსახლეობის 80 პროცენტს სესხი აქვს. 

წყარო:>>